2015, ഏപ്രിൽ 4, ശനിയാഴ്‌ച


ലക്കം : 50
ബ്ലോഗര്‍ : ചെമ്മാണിയോട് ഹരിദാസന്‍  


മുഖക്കുറിപ്പ്  

അന്താരാഷ്ട്ര  വനിതാദിനം  ഓര്‍മ്മിപ്പിക്കുന്നത്  
അന്താരാഷ്ട്ര വനിതാദിനമായിരുന്നു മാര്‍ച്ച് എട്ട്.  വനിതാദിന ആഘോഷങ്ങളില്‍മുങ്ങുമ്പോഴും യഥാര്‍ത്ഥത്തില്‍സ്ത്രീകള്‍ഇന്നും അര്‍ഹമായ സാന്നിധ്യം എവിടെയും നേടിയിട്ടില്ല. തെരഞ്ഞെടുപ്പുകളില്‍സ്ത്രീകള്‍ക്ക്  33  ശതമാനം സംവരണം വേണമെന്ന ആവശ്യം ഇന്നും യാതാര്‍ത്ഥ്യമായില്ല. ഒരേ തൊഴില്‍ആയിരുന്നിട്ടുപോലും സ്ത്രീകള്‍ക്ക് പല മേഖലയിലും പുരുഷനു തുല്യമായ  വേതനം ലഭിക്കുന്നില്ല. ഇങ്ങനെ പല രംഗങ്ങളിലും സ്ത്രീകള്‍അവഗണിക്കപ്പെടുന്നുണ്ട്. ഓരോ വര്‍ഷവും വനിതാ ദിനാഘോഷങ്ങള്‍പൊടി  പൊടിക്കുമ്പോള്‍സൗകര്യപൂര്‍വ്വം വിസ്മരിക്കുന്നതും ഇതെല്ലാം തന്നെയാണ്. 
ചെമ്മാണിയോട് ഹരിദാസന്‍ 
O  

കേരളത്തെ നാണം കെടുത്തിയ സാമാജികര്‍ 

ചെമ്മാണിയോട് ഹരിദാസന്‍ 

കേരള നിയമ സഭയുടെ അന്തസ്സ് ലോകത്തിനു മുന്നില്‍തകര്‍ത്ത ദിനമായിരുന്നു ഇന്ന്. ഒരു നിയമ നിര്‍മ്മാണസഭയില്‍അരങ്ങേറിയ അക്രമങ്ങള്‍തികച്ചും അന്യായമാണ്. നിയമ സഭയുടെ അന്തസ്സ് കാത്തു സൂക്ഷിക്കുന്നതില്‍പരാജയപ്പെട്ട നിയമസഭാ സാമാജികര്‍ആരോക്കെ ആണെന്ന് ലോകം കണ്ട് അറിഞ്ഞു. ലോകത്തെ ഏറ്റവും വലിയ ജനാധിപത്യ രാജ്യമാണ് ഇന്ത്യ. ഈ രാജ്യത്തെ ഒരു സംസ്ഥാന നിയമസഭയാണ് നിര്‍ഭാഗ്യകരമായ രംഗങ്ങള്‍ക്ക് സാക്ഷിയായത്. പൂര്‍വ്വികര്‍കാത്ത് സൂക്ഷിച്ച സഭയുടെ ഖ്യാതി നിലവിലുള്ള ചില അംഗങ്ങള്‍നഷ്ടപെടുത്തി. സഭയുടെ അന്തസ്സ് തകര്‍ത്ത നിയമസഭാംഗങ്ങള്‍ആരായാലും അവരെ അയോഗ്യരാക്കുകയാണ് വേണ്ടത്. ഈ അക്രമത്തിനു അതിലും കുറഞ്ഞ ശിക്ഷ പാടില്ല. 

O
പൊതുമുതല്‍സമരക്കാര്‍ക്ക് നശിപ്പിക്കാന്‍ഉള്ളതല്ല 
ചെമ്മാണിയോട് ഹരിദാസന്‍ 

എന്ത് സമരത്തിന്റെ പേരില്‍ആയാലും പൊതു മുതല്‍നശിപ്പിക്കുന്ന രീതി അപലപനീയമാണ്. തിരുവനന്തപുരത്ത് അക്രമികള്‍ഇന്നു രാവിലെ പോലിസ് ബസ്സുകളും മറ്റു സര്‍ക്കാര്‍വാഹനങ്ങളും നശിപ്പിച്ച സംഭവം ഒരിക്കലും ന്യായീകരിക്കതതക്കതല്ല. പൊതു മുതല്‍നശിപ്പിക്കുന്നവരെ നിയമത്തിന്റെ മുന്നില്‍കൊണ്ടുവരണം. ശക്തമായ നിയമ നടപടികള്‍സ്വീകരിക്കണം. അവരില്‍നിന്ന് നഷ്ടപരിഹാരം പിഴ സഹിതം ഈടാക്കണം. ജനങ്ങളുടെ നികുതിപ്പണമാണ് സര്‍ക്കാര്‍സ്വത്ത്. അതു അനാവശ്യ രാഷ്ട്രീയ സമരങ്ങള്‍ക്കുവേണ്ടി നശിപ്പിക്കാന്‍ഉള്ളതല്ല.

ദേശസ്നേഹിയായ  വള്ളത്തോള്‍ 


ചെമ്മാണിയോട് ഹരിദാസന്‍ 


മഹാകവി വള്ളത്തോള്‍നാരായണമേനോന്റെ അമ്പത്തിയേഴാം ചരമ വാര്‍ഷിക ദിനമാണ് ഇന്ന്. മലയാള കവിതക്ക് ഉദാത്തമായ നിരവധി കാവ്യകൃതികള്‍സമ്മാനിച്ച മഹാകവി തന്റെ ജീവിത പന്ഥാവിലൂടെ ദേശസ്നേഹം ആവോളം നെഞ്ചേറ്റി നടന്നു.. ദേശഭക്തി തുളുമ്പി നില്‍ക്കുന്ന നിരവധി കാവ്യതല്ലജങ്ങള്‍മഹാകവി കൈരളിക്കു സമര്‍പ്പിച്ചു. സ്വാതന്ത്ര്യ സമരത്തിനു വള്ളത്തോളിന്റെ ഈ ദേശഭക്തി ഗീതങ്ങള്‍ആവോളം ആവേശം പകര്‍ന്നു. എന്റ ഗുരു നാഥന്‍, മഗ്ദലന മറിയം തുടങ്ങി എണ്ണമറ്റ കാവ്യകൃതികള്‍മഹാകവിയുടെതായുണ്ട്. മലപ്പുറം ജില്ലയിലെ ചേന്നരയാണ് വള്ളത്തോളിന്റെ ജന്മദേശം.കേരളീയ കലകളുടെ കേദാരമായ കേരള കലാമണ്ഡലം സ്ഥാപിച്ചത് മഹാകവി വള്ളത്തോള്‍ആണ്. O


വര്‍ത്തമാനം വാരാന്തപ്പതിപ്പില്‍ പ്രസിദ്ധീകരിച്ച ചെമ്മാണിയോട് ഹരിദാസന്‍ എഴുതിയ കഥ ചിത്രീകരണം : ഗിരീഷ്‌ മൂഴിപ്പാടം 

  O

****************************************************************

ചെമ്മാണിയോട് ഹരിദാസന്റെ 

നിലാവിന്റെ കയ്യോപ്പ്

 
കവിതാസമാഹാരം പ്രസിദ്ധീകരിച്ചു  

പ്രശസ്ത കവി 

ആലങ്കോട് ലീലാകൃഷ്ണന്റെ 

അവതാരിക 

പ്രസാധനം ഗ്രാമം ബുക്സ് കൊല്ലം 

വിതരണം :നാളെ ബുക്സ് കൊല്ലം,

വില : 60 രൂപ

***************************************************************************


വിവാഹിതരായി 

ഡോ. മനോജ്‌ വെള്ളനാടും ഡോ. ശ്രീലക്ഷ്മിയും ഗുരുവായൂര്‍ ശ്രീകൃഷ്ണ ക്ഷേത്രത്തില്‍ വച്ച്  വിവാഹിതരായി.  

നവദമ്പതികളോടോപ്പം മഹേഷ് കൊട്ടാരത്തില്‍, ചെമ്മാണിയോട് ഹരിദാസന്‍ എന്നിവര്‍. ഫോട്ടോ : ഉട്ടോപ്പ്യന്‍.

O

സിനിമ ആസ്വാദനം

അതിമനോഹരമായൊരു ചലച്ചിത്ര കാവ്യ

ചെമ്മാണിയോട് ഹരിദാസന്‍   

സത്യന്‍ അന്തിക്കാടിന്റെ പുതിയ ചിത്രമായ എന്നും എപ്പോഴും ദൃശ്യസുഖം നല്‍കുന്ന മനോഹരമായൊരു ചലച്ചിത്രമാണ്. മോഹന്‍ലാലിന്റെയും മന്‍ജു വാരിയരുടെയും അഭിനയ മികവില്‍ വിരിഞ്ഞ വളരെ ശ്രദ്ധേയമായ ഒരു ചിത്രമാണിത് എന്ന് പറഞ്ഞാല്‍ അത് അസ്ഥാനത്താകില്ല . അടുക്കും ചിട്ടയും ഉള്ള പ്രമേയം. മനസ്സില്‍ സ്പര്‍ശിക്കുന്ന അഭിനയമുഹൂര്‍ത്തങ്ങള്‍കൊണ്ട് സമ്പന്നമായ ചിത്രം. എല്ലാ അഭിനേതാക്കളും തിളക്കമാര്‍ന്ന അഭിനയം സമ്മാനിച്ച ചിത്രം. ആദ്യന്തം ആര്‍ക്കും തന്നെ യാതൊരു മുഷിവും ഉണ്ടാക്കാത്ത ചിത്രം. പ്രമേയത്തിന് അനുയോജ്യമായ സുന്ദരമായ ഗാനങ്ങള്‍. അനുയോജ്യമായ തിരക്കഥയും സംഭാഷണവും. ചിത്രീകരണവും ചിത്ര സംയോജനവും ആകര്‍ഷകം. ഇങ്ങനെ എല്ലാ മേഘലകളും കുറ്റമറ്റതായൊരു ചിത്രം എന്നുതന്നെ വിശേഷിപ്പിക്കാം.


O


പുസ്തകം 


പുതിയ പുസ്തകങ്ങള്‍ 


നിലാവിന്റെ കയ്യൊപ്പ് 

(കവിതകള്‍ )

ചെമ്മാണിയോട് ഹരിദാസന്‍ 


ഗ്രാമം ബുക്സ് 


കൊല്ലം


വില
:  60 രൂപ.

 **

ഒരു ശാസ്ത്രക്രിയുടെ ഓര്‍മ്മ

 (കഥകള്‍  )


എ. കെ. ശശി വെട്ടിക്കവല 


ഗ്രാമം ബുക്സ്


കൊല്ലം.


വില : 60 രൂപ. 

**

ഹൃദയ  സംഗീതിക

(കവിതകള്‍ )

അടുതല ജയപ്രകാശ് 

ഉപമാനം ബുക്സ് 

കൊല്ലം  

വില :  120  രൂപ.

 


മലയാളം ബ്ലോഗര്‍ സംഗമം 2 015 ഏപ്രില്‍ 12-നു തിരൂര്‍ തുഞ്ചന്‍  പറമ്പില്‍. 

അഭിപ്രായങ്ങളൊന്നുമില്ല: